जसपा नेपालले आफ्नो अडान र मुद्दा छोड्छ भन्ने लाग्दैन : प्रचण्ड

By Rato Pana

माघ २८, २०८१

जनकपुरधाम । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले उपेन्द्र यादव नेतृत्वको जनता समाजवादी पार्टी, नेपाल आफ्नो अडानलाई छोड्छ भन्ने नलागेको बताएका छन् ।

आज जनकपुरधाममा अध्यक्ष प्रचण्डले जसपा, नेपाले आफ्नो अडान र मुद्दा छोड्ने विश्वास आफूले नगरेको बताएका हुन्।

‘उहाँ आफ्नो मुद्दालाई नै छाडेर सरकारमा जानुहुन्छ जस्तो मलाई लाग्दैन। उहाँहरूले निर्णय गर्नै बाँकी छ। बैठकबाट निर्णय गर्नुहोला, उनले भने, ‘यदि उहाँहरूले आफ्नो अडान छाड्नु भएन भने राष्ट्रियसभाबाट अध्यादेश पारित नहुने स्थिति बन्दैछ।’