१३ वर्षीया बालिकामाथि सामूहिक बलात्कार : दुई जना पक्राउ

By Rato Pana

माघ २८, २०८१

धनगढी । कैलालीमा १३ वर्षीया बालिकामाथि सामूहिक बलात्कार गरेको आरोपमा दुई जना पक्राउ परेका छन्।

बर्दगोरिया गाउँपालिका–२ की १३ वर्षीया बालिकामाथि सामूहिक बलात्कार गरेको आरोपमा सोही गाउँपालिका–३ का ४४ वर्षीय गोपाल विक र २ नम्बर वडाका १६ वर्षीय किशोरलाई पक्राउ गरिएको हो। जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कबिन्द्रसिंह बोहराका अनुसार घटना २६ माघको हो।

२७ गते ४ बजे आफ्नो बहिनीमाथि सामूहिक करणी भएको भन्दै पीडितकी दिदीले प्रहरीलाई खबर गरेकी थिइन। गोपाल विकले मासु पकाएर ल्याइदिन भन्दै बोलाएपछि बालिका मासु लिएर विकको पसलमा पुगेकी थिइन्।