दमौली l दमौली निवासी सफल व्यवसायी तथा वरिष्ठ साहित्यकार सागर उदासको शब्दमा तयार गरिएको गीतको म्युजिक भिडियो एक विशेष समारोहका बीच सार्वजनिक गरिएको छ।
गीतमा चर्चित संगीतकार राजेश थापाको संगीत रहेको छ भने स्वर प्रसिद्ध गायक दीपक लिम्बुले दिएका छन्।
ब्यास नगरपालिका उपप्रमुख इन्दिरा दरैको प्रमुख आतिथ्यमा सम्पन्न कार्यक्रममा गीतको म्युजिक भिडियो सार्वजनिक गरिएको हो।
उक्त कार्यक्रममा स्थानीय कलाकार, साहित्यकार, सञ्चारकर्मी, समाजसेवी तथा सर्वसाधारणको उल्लेखनीय उपस्थिति रहेको थियो।
कार्यक्रमका प्रमुख अतिथि उपप्रमुख दरैले गीतको शब्द, संगीत र स्वर तीनै पक्ष उत्कृष्ट रहेको बताउँदै सागर उदासको साहित्यिक तथा सांगीतिक यात्रामा सफलताको शुभकामना व्यक्त गरिन्।
गीतको म्युजिक भिडियोमा समसामयिक सामाजिक सन्देश समेटिएको र दर्शक–स्रोतालाई भावनात्मक रूपमा छुने विश्वास गरिएको छ।
