नेपाली काँग्रेसद्वारा बी.पी. कोईरालाको ४३औं स्मृति दिवसमा वृक्षारोपण कार्यक्रम सम्पन्न

By Rato Pana

साउन ६, २०८२

वीरगञ्ज । नेपाली काँग्रेसका संस्थापक नेता तथा महामानव विशेश्वर प्रसाद कोईरालाको ४३ औं स्मृति दिवसको अवसरमा आज एक वृक्षारोपण कार्यक्रम सम्पन्न गरिएको छ।

वीरगञ्जको सिद्धार्थ माध्यमिक विद्यालय प्रांगणमा आयोजित सो कार्यक्रम नेपाली काँग्रेस क्षेत्रीय कार्य समिति, क्षेत्र नं. १, पर्साको आयोजनामा सम्पन्न भएको हो। कार्यक्रममा सहभागीहरूले विद्यालय परिसरमा विभिन्न प्रजातिका रुखहरू रोप्दै वातावरण संरक्षणको सन्देश दिएका थिए।

नेताहरूले बी.पी. कोईरालाको विचार, योगदान र समाजवादी आदर्शलाई स्मरण गर्दै उहाँको स्मृतिमा यस्तो सामाजिक कार्यले युवा पुस्तामा सकारात्मक प्रेरणा दिने विश्वास व्यक्त गरेका थिए।