नख्खु कारागारबाट फरार कैदी साह वीरगन्जबाट पक्राउ

By Rato Pana

कार्तिक १२, २०८२

वीरगन्ज । लागुऔषध सम्बन्धी मुद्दामा सजाय भोगिरहेका कैदी लालबाबु साहलाई प्रहरीले पक्राउ गरेको छ।

जिल्ला प्रहरी कार्यालय पर्साको सूचना संकलन तथा विश्लेषण शाखाका अनुसार, विशेष सूचनाको आधारमा प्रहरी टोलीले वीरगन्ज महानगरपालिका–१० रानीघाटका ३९ वर्षीय लालबाबु साहलाई पक्राउ गरेको हो।

साहलाई लागुऔषध सम्बन्धी कसुरमा अदालतले २ वर्ष १ महिना कैद र रू. १ लाख ५ हजार जरिवाना तोकेको थियो। उनी गत भदौ २४ गते जेनजी आन्दोलनका क्रममा ललितपुरस्थित नख्खु कारागार कार्यालयबाट फरार भएका थिए।