वीरगंज । वरिष्ठ खोज पत्रकार, लेखक तथा लेक्चरर दीपा दाहाल प्रधानमन्त्री वालेन्द्र शाह (बालेन शाह) को प्रेस तथा अनुसन्धान विज्ञ पदमा नियुक्त हुनुभएको छ। प्रधानमन्त्रीको सल्लाहकार र सचिवालय व्यवस्थापन कार्यविधि, २०७४ बमोजिम शुक्रबार उहाँलाई उक्त जिम्मेवारी प्रदान गरिएको हो।
दुई दशकभन्दा बढी समयदेखि रेडियो, टेलिभिजन, छापा तथा अनलाइन माध्यममा सक्रिय पत्रकारिता गर्दै आउनुभएकी दाहालले शुक्रबारदेखि नै आफ्नो कार्यभार सम्हाल्नुभएको छ। उहाँको नियुक्तिसँगै प्रधानमन्त्री शाहको सञ्चार रणनीति सुदृढ गर्ने, मिडियासँग समन्वय बढाउने तथा अनुसन्धानमा आधारित नीति सहयोग प्रदान गर्ने अपेक्षा गरिएको छ।
दाहालले विशेषगरी भ्रष्टाचार नियन्त्रण, सुशासन प्रवर्द्धन र सामाजिक न्यायका विषयमा लामो अनुभव हासिल गर्नुभएको छ। सरकारको मूलधारमा यस्तो अनुभवलाई उपयोग गर्न सकिने विश्वाससहित उहाँको नियुक्ति गरिएको जनाइएको छ।
यस नियुक्तिले प्रधानमन्त्री शाहको कार्यशैलीमा थप पारदर्शिता र प्रभावकारी सञ्चार व्यवस्थापनमा योगदान पुग्ने विश्वास गरिएको छ।
