मधेशका जिल्लाहरुमा ह्वात्तै चिसो बढयो, जनजिवन प्रभावित

By Rato Pana

पुस ७, २०७८

अन्जु कुमारी
वीरगंज । पर्सा, बारा लगायत मधेशका जिल्लाहरुमा सोमबार बिहान देखि चिसो ह्वात्तै बढेको छ ।

मौसममा अचानक बदली भई सोमबार बिहानै देखि हुस्सु लाग्न थालेपछि चिसो बढेको हो । बाक्लो हुस्सु, कुहिरोका कारण तराई मधेसको जनजीवनमा असर पर्न थालेको छ ।

चिसोले बिहान बेलुका घर बाहिरको काम गर्न नै कठिन हुने गरेको छ । अत्यधिक चिसोका कारण घर बाहिर रहेका मानिसको हातखुट्टा कठ्याङ्ग्रिएर हिँडडुल गर्न समेत समस्या भैरहेको स्थानीय बताउँछन् । सोमबार यो वर्षकै अहिलेसम्म सबभन्दा बढी जाडो भएको मौसम पूर्वानुमान कार्यालय सिमराले मापन गरेको छ ।