बीरगन्ज । पटकपटक बाटोमा फोहोर फ्याकेकोले एन आइ सी एशिया बैक बीरगन्ज शाखालाई बीरगन्ज महानगर पालिकाले ११ हजार जरिवाना गरेको छ ।
महानगरपालिकाले पहिलो पटक चेतावनी र दोश्रो पटक ५ हजार जरिवाना यस अधि एन आई सी बैकलाई गरिसकेको छ ।
अनुगमनको क्रममा सरसफाइको गाडीमा फोहोर नदिएर बाटोमा फोहोर फ्याकेको भेटिएपछि ११ हजार जरिवाना गरिएको सरसफाइ अधिकृत सर्फुदिन मियाँले जानकारी दिनुभयो ।
बैक जस्तो जिम्मेवार संस्थाबाट यसरी पटकपटक फोहोर गर्नु कानुन र मर्यादा विपरीत भएकोले अब उप्रान्त फ्याकिएको भेटिएमा २५ हजार देखि २ लाखसम्म जरिवाना गरिने सरसफाइ तथा पार्किङ संयोजक प्रकाश खेतानले बताए ।
बीरगन्ज महानगरपालिकाले सरसफाइलाई प्राथमिकतामा राखी अभियाननै चलाएको खेतानले बताए । ५ सय रुपैया बाट सुरु गरेको जरिवाना १ हजार , ५ हजार सम्म गर्दै आएको छ । ११ हजार जरिवाना गरेको यो पहिलो हो ।
