नेपाली नक्कली नोट सहित वीरगञ्जबाट एकजना पक्राउ

By Rato Pana

साउन १०, २०७९

वीरगञ्ज । नेपाली नक्कली नोट सहित एक जनालाई वीरगञ्जबाट प्रहरीले पक्राउ गरेको छ । वीरगञ्जको श्रीपुर टोलबाट प्रहरीले रौतहटको परोहा नगरपालिका ३ बस्ने ३२ वर्षका बिटु दुवेलाई नक्कली नेपाली नोटसहित पक्राउ गरेको हो ।

वडा प्रहरी कार्यालय श्रीपुरबाट खटेको टोलीले चेकजाँचका क्रममा दुवेको साथबाट नेपाली १ हजार दरको ६ थान नक्कली नोट फेला पारेको वडा प्रहरी कार्यालय श्रीपुरका प्रमुख प्रहरी निरीक्षक डिल्लिराज सापकोटाले जानकारी दिए ।