वीरगन्ज,१४ साउन
रोहित कुमार गुप्ता
नेपाललाइ विश्वमा चिनाउन भन्दै वीरगन्जका एक युवाले वीरगन्ज देखि भारतको राजधानी दिल्ली सम्म पैदल यात्रा गर्ने भएका छन् ।
वीरगन्ज महानगरपालिका वडा नम्बर २ बस्ने शेख मुन्नाले वीरगन्ज देखि दिल्ली सम्मको करिब १०६० किलो मिटरको दुरी पैदल यात्रा गर्ने भएका हुन् ।
वीरगन्जको नेपाल पत्रकार महासंघको सभाहलमा शनिबार पत्रकार सम्मेलन गरेर उनले यस बारे जानकारी गराएका हुन् । नेपाललाई विश्व ब्यापापी रुपमा चिनाउने ,पर्यटन प्रवर्द्धन गर्ने तथा नेपाल –भारतको रोटी– बेटी एवं जन जनको सम्बन्धलाई अझै बलियो बनाउने उदेश्यका साथ यो पैदल यात्रा गर्न लागेको उनले बताए ।
पैदल यात्रा यही साउन २१ गते शनिबार बिहान ७ बजे वीरगन्जको घण्टाघरबाट प्रारम्भ गर्ने छन् । वीरगन्जबाट बिहारको रक्सौल , नरकटियागन्ज, रामनगर, बगाहा हुदै उत्तरप्रदेश पुगेर त्यहाँबाट गाजियावाद , बुलंदशहर, गाजियबाद हुदै दिल्ली पुगेर पैदल यात्रा पुरा गर्ने आफ्नो लक्षय रहेको जानकारी गराए ।
पैदल यात्राका लागि नेपाल र भारत दुवै देशका सम्बन्धित निकायबाट आफुले अनुमति पनि लिइसकेको पत्रकार सम्मेलन मार्फत जानकारी उनले दिए ।
वीरगन्ज देखि भारतको राजधानी दिल्ली सम्म पैदल यात्रा गर्ने क्रममा करिब दुइ लाख भारु खर्च हुने बताए । नेपाललाइ विश्वमा चिनाउन पैदल यात्रा गर्नका लागि हाल सम्म कुनै पनि राजनिति दल, संघ संस्था, उद्योगपती, व्यपारी लगयात कसैले पनि सहयोग नगरेको उनले जानकारी दिए ।
वीरगन्ज महानगरपालिका वडा नम्बर २ बस्ने शेख मुन्नाले मलाई सहयोग गर्न चाहानु हुनेले मेरो सनराइज बैंकको वीरगंज ब्रान्चमा रहेको खाता नम्बर ०१९१०२७३०३२०५००१ मा पैसा जम्मा गरेर सहयोग गर्न समेत अनुरोध गरेका छन् ।
