यात्रुवाहक बस दुर्घटना हुँदा १० जनाको मृत्यु, २५ जनालाई जीवितै उद्धार

By Rato Pana

बैशाख २, २०८०

वीरगन्ज । भारतको महाराष्ट्रमा यात्रुवाहक बस दुर्घटना हुँदा १० जनाको मृत्यु भएको छ । महाराष्ट्रको रायगढको खोपोली क्षेत्रमा बस खाल्डोमा खस्दा १० जनाको मृत्यु भएको र २५ जनालाई जीवितै उद्धार गरिएको खोपोली प्रहरी चौकीले जनाएको छ ।

पुणेबाट करिब ४० जना यात्रु बोकेर मुम्बईतर्फ आउँदै गरेको बस शनिबार बिहान दुर्घटनामा परेको हो ।घाइतेहरूको खोपोली ग्रामीण अस्पतालमा उपचार भइरहेको छ ।