पर्सा कटिसकेको ट्रक बारा प्रहरीको नियन्त्रणमा

By Rato Pana

कार्तिक १, २०८०

बारा । वीरगन्जबाट मालसामान लिएर काठमाडौं जाँदै गरेको एउटा ट्रक बारामा प्रहरीले नियन्त्रणमा लिएको छ ।

बाराको जितिपुरसिमरा उपमहानगरपालिका वडा नम्बर २१ अमलेखगञ्ज चोकमा रोकेर प्रहरीले ५९ लाख १२ हजार ७१७ रुपैयाँ बराबरको सामान लोड रहेको ट्रक नियन्त्रणमा लिएको हो ।

मंगलबारराति अमलेखगञ्ज चोकमा ना.३.ख.५६७२ नबरको ट्रक प्रहरीले रोकेर चेकजाँच गर्ने क्रममा उक्त ट्रकमा बिलबिजक भन्दा बढी मुल्यको हार्डवेयर तथा अटो पार्टका सामानहरू बरामद भएको बाराका प्रहरी प्रवक्ता एंव प्रहरी नायब उपरीक्षक दधिराम न्यौपानेले जानकारी दिए ।