उपेन्द्र साह वीरगन्ज । बाराको परवानीपुर गाउँपालिका वडा नम्बर ५ नौतनमा रहेको श्री छाँया बचत तथा ऋण सहकारी संस्था लिमिटेडले नयाँ भवनबाट सेवा दिन सुरु गरेको छ ।
विगत ४ साल देखि परवानीपुर चौक स्थित श्री छाँया बचत तथा ऋण सहकारी संस्था लिमिटेडले ग्राहकहरुलाई सेवा दिदैआइरहेकोमा अब नयाँ भवनको परवानीपुर गाउँपालिका वडा नम्बर ५ नौतनमा सोमबार उद्घाटन भएसंगै सोही ठाउबाट सेवा सञ्चालन गरिने जनाइएको छ ।
श्री छाँया बचत तथा ऋण सहकारी संस्था लिमिटेडको १० औं वार्षिकोत्सवको अवसर पारेर संस्थाका अध्यक्ष रोशन कुमार गुप्ता र प्रमुख अतिथी हरेराम पटेलले संयुक्त रूपमा भवनको उद्घाटन गरेका हुन् ।
यस कार्यक्रममा रितिका साह , सोभा, अर्जुन पासवान , सिधान्त पटेल, कृति चौरसिया र सयौं शेयरधारक तथा संचारकर्मी रामनिवास पटेल , उपेन्द्र साह लगाएतको उपस्थिति रहेको थियो।
ग्राहकहरुलाई अझै स्तरीय सेवा प्रदान गर्ने हेतुले नयाँ भवनको निर्माण गरिएको संस्थाका प्रमुख कार्यकारी अधिकृत चन्दन गुप्ताले बताए ।
