विरगंज । पर्साको बिन्दवासिनी गाउँपालिका वडा न ३ टोल इटियाही स्थित श्री नेपाल स्काउट नि.मा.बि .मा आज अहमदिया संघ नेपालले एक कार्यक्रमका बिच १० थान पंखा तथा शैक्षिक सामग्री वितरण गरिएको छ |
बिद्यालयमा बालबालिकाहरुको स्वास्थ्य लाई मध्यनजर गरि चर्को घामको प्रकोपले स्वास्थ्यमा प्रतिकुल असर पर्ने संभावना हुनसक्ने भएकोले बेलैमा ध्यान पुर्याई पंखा सहयोग गरिएको अहमदिया संघ नेपाल पर्सा इन्चार्ज हासिम अहमद ले बताए।
बिगत केही दिन देखि अत्यधिक गर्मीका कारण विद्यार्थीहरुको अध्ययन अध्यापन प्रभावित नहोस् भन्ने उद्देश्यले विधालय लाई अध्ययन मैत्री बनाईदिन भन्दै संस्थाको पर्सा जिल्ला इन्चार्ज हासिम अहमदलाई आग्रह गरेपछि पंखा तथा शैक्षिक सामग्री उपलब्ध गराईएको बिद्यालयका प्रधानाध्यापक प्रमोद प्रसाद चौरसियाले बताए ।
कार्यक्रमका प्रमुख अतिथि अहमदिया संघ नेपालका कोषाध्यक्ष इसरयल अहमदले बिद्यालयमा अध्यनरत बालबालिकाको उज्ज्वल भविष्यको कामना गर्दै अहमदिया संघ नेपालले आउने दिनमा पनि सहयोग गर्ने प्रतिबद्धता जनाएका छन्।
त्यसै गरी कार्यक्रमा विशिष्ट अतिथिको रुपमा अहमदिया संघ नेपाल प्रसौनी भाठ्ठाका इन्चार्ज शैइदुर रहमान अतिथि बिद्यालय व्यस्थापन समितिका पुर्व अध्यक्ष महेन्द्र साह कानु,नैईम अहमद ,पारस बैठा ,संचारकर्मी रामेश्वर चौरसिया लगायत शिक्षक ,शिक्षिका छात्र ,छात्राहरुको सहभागिता रहेको थियो भने कार्यक्रम बिद्यालय व्यस्थापन समितिका अध्यक्ष मुकेश कुमार चौरसियाको अध्यक्षतामा भएको थियो।
