वीरगन्ज । नेकपा एमाले पर्साको ९ औं जिल्ला अधिवेशनको क्रममा आज पाँचौ दिन वीरगन्जको अनमोल पार्टी प्यालेसमा निर्वाचनको विषयलाई लिएर दुई पक्ष वीच कुटाकुट भएको छ ।
एक पक्षले निर्वाचनमा त्रुटि भएको भन्दै निर्वाचन अवरोध गर्न खोजेको थियो भने अर्को पक्षले निर्वाचन हुनु पर्ने माग गर्दै होहल्ला गरेको थियो।
निर्वाचन परियोजनका सामग्रीहरु टोडफोड गर्न खोज्दा अर्को पक्षले रोकेको र दुबै पक्ष वीच झडप भएको थियो ।
संस्थापन पक्षका मनोज गुप्तासहितको टोलीले इतरसंस्थापन पक्षमाथि हमला गर्न थालेपछि वीरगन्ज- २० का वडाअध्यक्ष रामकिसोर सिंह( पराग) घाइते भएको उनको आरोप छ । उनका अनुसार घाइते सिंहको नाकमा चोटपकट लागेको, जसकारण नाक फुटेको छ । घाइते सिंहको बीरगन्जस्थित नेशनल मेडिकल कलेजमा उपचार भइरहेको बताइएको छ ।
तीन पदाधीकारीसहित २७ पदमा निर्वाचन बाँकी छ । अध्यक्ष पदमा सर्वसहमत भइरहेको छ ।
