काठमाडौं l नक्कली प्रहरी बनेर शरीर बन्धक बनाई डाँका गरेको आरोपमा प्रहरीले दुई जनालाई पक्राउ गरेको छ।
पक्राउ पर्नेमा विराटनगर महानगरपालिका–८ बस्ने २४ वर्षीय समिर हुसेन र सोही महानगरपालिका–६ बस्ने २७ वर्षीय आशिफ अन्सारी छन्।
विराटनगर महानगरपालिका–१३ रानीस्थित राइस मिल छेउमा सिटी सफारीमा सवार पुरूषलाई बन्धक बनाएर उनीहरूले डाँका गरेको आरोप छ।
स्कुटरमा सवार उनीहरूले ती व्यक्तिलाई रोक्दै ‘हामी जिल्ला प्रहरी कार्यालय मोरङबाट खटिएका प्रहरी हौं, अनुसन्धान गर्नु छ’ भन्दै स्कुटरको बीचमा जबरजस्ती राखी विराटनगर महानगरपालिका–१४ जतुवास्थित एकान्त स्थलमा पुर्याई डर त्रास देखाएर उनको साथमा रहेको ३ लाख ६४ हजार रूपैयाँ डाँका गरेका थिए।
गत बुधबार बिहान डाँका गरिएकोमा पीडितको उजुरीको आधारमा जिल्ला प्रहरी कार्यालय मोटरङबाट खटिएको प्रहरीले उनीहरूलाई पक्राउ गरेको हो।
उनीहरूमाथि सरीर बन्धक बनाएर डाँका गरेको कसुर मुद्दामा जिल्ला अदालत मोरङबाट म्याद थप अनुमति लिई अनुसन्धान थालिएको प्रहरीले जनाएको छ।
