वीरगञ्ज महानगरद्वारा कक्षा ९ र ११ का लागि छात्रवृत्ति छनौट परीक्षा भाद्र ६ गते

By Rato Pana

साउन ३१, २०८२

वीरगञ्ज । वीरगञ्ज महानगरपालिकाले कक्षा ९ र ११ का विद्यार्थीलाई छात्रवृत्ति प्रदान गर्न भाद्र ६ गते बिहान ७:३० बजे छनौट परीक्षा सञ्चालन गर्ने भएको छ।

आवेदन भरेका विद्यार्थीले भाद्र २ गतेपछि महानगरको वेबसाइट (scholarship.birgunjmun.gov.np) बाट प्रवेशपत्र डाउनलोड गरी प्रिन्ट गर्नुपर्नेछ। प्रवेशपत्रमा परीक्षा केन्द्रको विवरण रहनेछ र प्रवेशपत्र बिना परीक्षामा सहभागी हुन पाइनै छैन।

यसअघि महानगरले साउन १ देखि १५ गतेसम्म अनलाइन आवेदन खुला गरेको थियो। कक्षा ९ का लागि बीइईमा र कक्षा ११ का लागि एसईईमा न्यूनतम १.६ जिपिए प्राप्त गरेको हुनुपर्ने, साथै आवश्यक प्रमाणपत्रहरू अनिवार्य पेस गर्नुपर्ने व्यवस्था गरिएको छ।