बुटवलमा मृत फेला परे प्रहरी जवान

By Rato Pana

अशोज ५, २०८२

बुटवल l बुटवलमा एक प्रहरी जवान मृत फेला परेका छन् । बुटवल राजमार्ग चौराहास्थित प्रहरी तालिम केन्द्र बुटवलमा प्रहरी जवान मृत फेला परेका हुन् ।

जिल्ला प्रहरी कार्यालय रुपन्देहीका सूचना अधिकारी डीएसपी सुरज कार्कीका अनुसार केन्द्रमा कार्यरत बाँकेको राप्ती सोनारी गाउँपालिका ३ घर भएका २४ वर्षीय श्याम चौधरी रुखमा झुन्डिएर आत्महत्या गरेको अवस्थामा मृत फेला परेको हुन् ।

डीएसपी कार्कीका अनुसार शुक्रबार तालिम केन्द्रमै रात्रिकालीन ड्युटी गरेका चौधरी शनिबार बिहान तालिम केन्द्रकै खेल मैदानको छेउमै रहेको रुखमा झुन्डिएको अवस्थामा फेला परेको कार्कीले बताए ।