वीरगन्ज। हरि खेतान बहुमुखी क्याम्पसले आफ्नो ४४औँ शैक्षिक उत्कृष्टता वर्षको उपलक्ष्यमा ‘सेल्फ–रियलाइजेशन सेमिनार’ आयोजना गरेको छ।
सोमबार आदर्शनगरस्थित होटल तृषलामा आयोजित कार्यक्रममा कक्षा १२ का करिब ३ सय जना विद्यार्थीहरुको सहभागिता रहेपछि कार्यक्रम अत्यन्तै सफल र प्रभावकारी बनेको क्याम्पसले जनाएको छ।
कार्यक्रमका प्रमुख अतिथि क्याम्पस सञ्चालन समितिका उपाध्यक्ष डा. रामअवतार खेतान रहे । विशिष्ट अतिथिमा शिक्षक प्रतिनिधि श्रीमती वर्जित कौर उपस्थित थिइन्। कार्यक्रमका क्याटिनेटर श्रीमती रितिका जैसवाल र मुस्तुफा अन्सारी रहे भने क्याम्पस प्रमुख रबिन्द्र कुमार प्रसाद यादवले स्वागत मन्तव्य प्रस्तुत गरेका थिए।
सेमिनारका प्रशिक्षक मानवसेवा आश्रम वीरगन्जका संस्थापक देवेश मानवसेवाले आत्मचेतना, लक्ष्य पहिचान र जीवनप्रति सकारात्मक दृष्टिकोणबारे प्रेरणादायी सन्देश दिए। साथै विद्यार्थीहरूले जीवनका लक्ष्य निर्धारण, आत्मअनुशासन र व्यक्तिगत विकासका रणनीतिबारे उपयोगी सीप सिकेका थिए।
कार्यक्रममा शिक्षक दिलिप प्रजापति, समरेन्द्र यादव र लालकिशोर पटेलका साथै विभिन्न सञ्चारगृहका सञ्चारकर्मी समेतको विशेष उपस्थिति रहेको थियो।
क्याम्पसले युवाहरूलाई जीवन उन्मुख शिक्षा, आत्मबोध र नेतृत्व क्षमता विकासमा प्रेरित गर्ने उद्देश्यले सेमिनार आयोजना गरिएको बताएको छ।
