वीरगंज । संस्कृति नेपाल फाउन्डेसनको आयोजनामा आज (मंगलबार) वीरगंजस्थित टाउनहलमा ‘डीजे डान्डिया’ कार्यक्रम आयोजना हुँदैछ।
नेपाली संस्कृति, परम्परा र मनोरञ्जनलाई जोड्दै युवादेखि परिवारका सदस्यसम्मलाई एकै ठाउँमा सहभागी गराउने उद्देश्यले कार्यक्रम आयोजना गर्न लागिएको हो।
सो कार्यक्रम आज दिउँसो ४ बजेदेखि सुरु हुनेछ। आयोजकका अनुसार कार्यक्रममा डान्डिया नृत्य, डीजे संगीत तथा मनोरञ्जनका विभिन्न गतिविधिमार्फत सहभागीलाई उत्सवमय वातावरण प्रदान गरिनेछ।
कार्यक्रममा सहभागी हुन एकल टिकटको मूल्य ४९९ रुपैयाँ र जोडी टिकटको मूल्य ७९९ रुपैयाँ निर्धारण गरिएको छ। टिकटमा डान्डिया स्टिक, स्न्याक्स तथा पेय पदार्थसमेत समावेश गरिएको आयोजकले जनाएको छ। कार्यक्रमस्थलमा प्रवेशको अन्तिम समय साँझ ६ बजे तोकिएको छ। कार्यक्रमको टिकट बुकिङका लागि ९८२६२८१२९७ र ९८२०७९१३९७ नम्बरमा सम्पर्क गर्न सकिनेछ।
यस्ता कार्यक्रमले युवाहरूलाई सिर्जनात्मक मनोरञ्जनमा जोड्नुका साथै सामाजिक भेटघाट, आपसी सद्भाव र सांस्कृतिक गतिविधिलाई प्रोत्साहन गर्ने अपेक्षा गरिएको छ। वीरगंजमा उत्सव तथा मनोरञ्जनात्मक कार्यक्रमको आकर्षण बढ्दै गएको सन्दर्भमा ‘डीजे डान्डिया’ले पनि स्थानीय सहभागीलाई रमाइलो अवसर प्रदान गर्ने विश्वास गरिएको छ।
