वीरगंज । बाराको सुवर्ण गाउँपालिका–६ (साबिक मझरिया–६) स्थित नेपाल राष्ट्रिय प्राथमिक विद्यालयका एक शिक्षकविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ।
शिक्षण पेसामा प्रवेश गर्दा नक्कली शैक्षिक प्रमाणपत्र पेस गरेको पाइएपछि आयोगले शुक्रबार विशेष अदालतमा आरोपपत्र दायर गरेको हो।
आयोगका अनुसार यादवले बिहार इन्टरमेडिएट एजुकेसन काउन्सिल, पटना भारतबाट जारी भएको देखिने इन्टरमिडिएट तह (आईए) को नक्कली शैक्षिक प्रमाणपत्र पेस गरी प्राथमिक तहको शिक्षक पदमा नियुक्ति लिएका थिए।
यादवविरुद्ध भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुरमा आरोपपत्र दायर गरिएको अख्तियारले जनाएको छ।





